Twitter Bird Gadget

Monday, December 14, 2015

තෑගි බලන් ඉන්න පුංචි ළමයි ගොඩාක් ඉන්නවා

හිම කැට පුංචි පුළුන් වගේ 
හැම තැනම වැටිලා ....
බලන බලන හැම තැනම
දිව්‍ය ලෝකයක් වගේ...
දේව දුතයන් අහසපුරා එලි විහිදයි 
අහසත් හරිම ලස්සනයි
තෑගි බලන් ඉන්න පුංචි ළමයි
ගොඩාක් ඉන්නවා
නත්තල් සීයා එනවා නේද?

oben lada adare........


Wednesday, September 23, 2015

...ආත්මයක් නැත්ත වුන්හට....

...ආත්මයක් නැත්ත වුන්හට....2015.9.23

 ආත්මයෙන් තොර වුයේ ඇයි දැයි නොදනිමි .අවසනවන්තයෙක් ලොවට උපන්නාය .එය සුභ ආරංචියක් නොවේ.අවට සිටින්න වුන්ට සුභ වුවා ද කියා නිශ්චිතව කිව නොහැක.සිටිය තැන සියලු දේ අවසනවෙන්ම ඔහු පසු පස හබා එන්නට විය.සැමදා කදුළු ද මොරසුරණ වැස්ස මෙන් එකදිගට ඇදහැලේ .කදුළු වැටිලා වැටිලා ගං වතුරේ ඔහු ගිලෙයි."ඇයි මෙහෙම "කියා ඔහු ඔහුගෙන්ම අසයි .සනසන්න හිටියේ පසමිතුරන් පමණි.ඔහු රස්තියාදු කාරයෙකි ගෙදරට වඩා  ඔහු පිටදී දැකිය හැකි ගෙදරින් පිටමන් වුවෙක් මෙන්ය.වරෙක ඔහු සාහිත්‍ය කාරයෙකි ,තවත් වරෙක ඔහු නිර්මාණ කරුවෙකි.වරෙක ඔහු කපටියෙකි.මේ සියලු චරිත තුලින් ඔහු ජීවත් වන්නට විය.ජීවිතේ විදිනවාට වඩා ඔහු විදවන්නට ඇත.වරෙක ඔහුගේ හිතේ ද පෙම් හැගුම් මෝදු වෙන්නට විය.
විටෙක පෙම්වතෙක් මෙන් හැසිරෙන්නට ඇත.ප්‍රේමයෙන් පැරදුනු විරහව උරුමක්කාරයෙක් නොවුයේ ඔහුටම කියා පෙමක් නොතිබුණු හෙයිනි.නැ පෙමක් පැදෙන්න වත් ඔහු ට සුළු හෝ වාසනාවක් නොතිබුණු නිසා වියහැකිය.ඒ ඔහු උපන්නේ අවසානවන්ත නැකතේන්ය.නමුත් ඔහු පෙම්  නොකළාද නොවේ. ප්‍රේමය නොහදුනන්නේද නැත, හීන මානයක් තුල හිරවුණු මනසක් ඇති ඔහු නිතර භීතියෙන් සිටියාය.ගිය නුවන ඇතුන් ලවාවත් ඇද්ද විය නොහැක යන්න පසක් කරගන්නට කාලයක් නොවිය.ඔහුට ආත්මයක් නැතිවී ගියේය.ඔහු අසරණයෙකු කලේ දෙවියන්ද ,දෙමාපියන්ද ,සමාජයද ,පෙමක්ද, යනු කවුරුවත් ඇසුවේ හෝ සොයා බැලුවේ නැත. ඔහු ට ජයලතාවකට කල ඉගිබිගි හරි සොදුරුයි. තවත් වරෙක ඒ ඉගියම හරි කුරිරුයි .මා ඔහුට ලිපියක් ලියා සාධාරණයක් කරන අටියෙන් ලිපයක් ලියන්න උත්සහ කලෙමි ලිපි ලිය ඔහුට සධාරණ කල නොහැක පොතක්වත් ලිවිය යුතුය.ජීවිතේ නවකතාවක් මෙන් ලියන්නට කරුණු බොහෝ.ඔහු පිස්සෙකු වීමට කලින් තවත් කරුණු දැන ගත යුතුය.ලියන්නට ආසය. වරෙක ඔහු මැරුනොත් හොදි කියා සිතේ. එතරම් හිත උණුවී යයි.


.....පසුව ලියමි ...... 2016.7.26
දෙවැනි ලිපිය ලෙස ස්වල්පයක් ලියමි. මෙයින් අවසන්ය.

ඔහුගේ පෙර ජීවිතයෙන් බිදක් මෙසේ ලියමි.
...අවසනවන්තයා වාසනාව කෙරෙහි රබර් ඇහැ දමමින් සිටින කාලයේ ඔහු මහත් වේදනාවක් වින්දේ ඔහුගේ මුඛයේ දත් කැක්කුමක් නිසාය. ඒ කිරිදත් වලට පස්සේ ආපු පොල් දතක් උඩින් තවත් නළ දතක් එන නිසාය. කටෙ ඉස්සරහම දත එන නිසා බොහෝ උදවිය එය දැක්කේය. දැන් දැන් සමහරු ඔහු සමග හොදය. සිනහා වෙන්නේය.දෙමාපියන්  ට ද ඔහු වාසනාවන්ත කොලු පැටියෙක් විය. එහෙත් ඔහු කොලු පැටියෙක් නොවුණි . ඔහු තරුණයකි. කඩමන්ඩි වලට වඩා දැන් දැන් කැඩපත ඉදිරියේ සිටිනවා වැඩිය. පෙරටත් වඩා දැන් ඔහු අප්‍රසන්නය...ඔහුට ඔහු ගැන තවත් දුකය.. මේ මිථ්‍යා දත ගලවා  ඉවත් කළ යුතුය. ටික දවසකට පසු දත ඇවිත් ඉවර විය. එහෙත් වාසනාව අවේ නැත. ඔහු දත ගලවා දමන්නට තීරණයක් ගත්තේ කපන්න බැරි අත සිබින්නාක් මෙන් ය.ඔහු අවසනවෙන්ම මිත්‍යාව ගලවා දැමිණි. මේකි නොකී සිදුවීම් වලින් පසු ඔහු මානසිකව කඩා වැටී මහා අගාදයක සැගවුනි.මානසික අවපීඩන තත්වයක් මෙන් ය. කිසි දිනක සංස්තෘප්තියක් නොලබුවා ය. ශරීරයෙන් හැරදා පලා යන්නට ද සැරසුනි .වගකීම් විරහිත ගැටළුවක් නිරාකරණය කර ගැනීමට ගොස් ජීවිතය නාස්ති කරගත්තෙකු මෙන් ය. ආදරයෙන් බොළද වී මත් වුනු රොන් නැති වුනු සමනළියක් මෙන් ය. පම්පෝරි සමාජයේ අටෝප විස්තීරණ අතර දුප්පතුන්ගේ වැයික්කියේ රජෙකු වැනිය. . ඔහු මානසිකව බොහෝ දුර ගියේය. සිහින පරාදීස වල නිදි ගත්තේය. දෙවුලියන්ට ද පෙම් බැන්දේය. මානසික ලෝකයේ ජීවත් වෙයි. තවත් ජීවත් වෙයි. ඔහුව ඔබේ නෙතට ගැටෙන්නට ද පුළුවන. එසේ වුවහොත් අහක බලා නොයා වචනයකදු කතා කරන්නැයි මා යෝජනා කර සිටිමි. අයෙත් මොහු ගැන නොලියමි. ඔහු පිස්සෙකු වී දැන් බොහෝ කල්ය. කඩපිල් ඉදිරියේ
ඔබටත් දැකිය හැක, හොදට ඇඳ පැළද ගත් ,ඇස් ලේ ගුලි දෙකක් මෙන් රතු වෙච්ච, කොන්ඩේ මදක් වවාගෙන කළු පාටට හුරු බැනියමක් සහ ඩෙනිම් කලිසමක් හැදගත් තරුණයෙක්. 

Tuesday, September 15, 2015

රෝස මල හා කටු ඇති නැතුව

රෝස මල හා කටු ඇති නැතුව 
හිරු නැග එන බැසයන අයුරු ද කවියන් කවියට නැගුහ.මල් පිපෙන එක මෙන්ම මල් පරවෙන එක ද කවියන් කවියට නැගුහ,නගන්නේය.
සමාජය තුල පන්ති භේදය ,කුල,ආගම්,ඇති නැති යන කරුණු ඔස්සේ නොදැනුවත්ව හෝ දැනුවත්ව කවියන් කවියට නැගුහ නගන්නේය.
මේ එක් එක් මාතෘකා තුලින් කවි, ගීත,ලිපි ,ලියැවෙන්නට ඇත.
ඉතිහාසය ගැන මහා උජාරුවට කතා කරන ලාංකිකයන්ට ඉක්මනින් අමතක වීමේ රෝගය වැලදුනේ කෙසේද යන්න නොදන්නෙමි.අනුමානයක්
හැටියට ඉතිහාසයේ පටන් ජානමය මගින් සංක්‍රමණය වුවා විය හැකිය.සමාජයේ තිබෙන අසම්මත ගති පැවතුම් පිළිකාවක් වී අවසානය.දවසින් දවස
හදවත ඉකිබිදින කතා බොහෝමය.මෙයට බලපා ඇත්තේ ධනය ඇති නැති භේදය නොව මිනිස් සිත තුල ජනිත වන කුහක කම,වෛරය ගිනි දැල්ය.
වෛරයෙන් වුනු සිතක් ඊර්සියාවෙන් ද පෝෂණය වේ.

ළගදි දවසක එක්තරා දිනයක මල් කැකුළක් මිලන වී ගිය නොව මිලන කරපු පුවතක් ලංකාව හතර දිග් භාගය පුරා පැතිර ගියේය.කණ වැකුණු වැකුණු අය
"අහෝ ...කරපු  එකාට හෙන හතම ගහපිය " කටින් නොකීවත් හදවතින් මුමුණන්නට ඇත.සේයා නමැති ඒ මල් කැකුළ පිපෙන්නටත් මත්තෙන් මරය බිලි
ගත්තේ මන්ද කියා නොදනිමි.තවත් මල් කැකුළු සිද බිද දමන යකුන් එලිය යුතුය. මන්ත්‍ර මතුර හෝ එලවිය යුතුය.
සමහරු වෛරී දේශපාලනය පිළිබද මහත් උජාරුවට එෆ්.එම් ,රුපවාහිනී ,පුවත් පත් වලද කතාකරති.කිසිවෙකු සමාජය තුල ඇති සමාජමය වසංගතය
පිළිබද කතා නොකරති.ඇත්ත කීම මහත් ජීවිත අවදානමක් ගෙනදෙනු නියතය, එය ඇත්තය සත්තය.මිත්‍යාව පිළිබද කතා කරන බොහෝ පුද්ගලයන්
උදැසනට එෆ්.එම්  නාලිකා වලද දහවලට රුපවාහිනී නාලිකා වලද සිටිනු දැක ගත හැකිය.ග්‍රහචාර්ය පිළිබද කතා කරන්නන් බොහෝය සමාජයේ පරිහානිය
පිළිබද කතා කරන්නන් අල්පය.ග්‍රහචාර්ය නොවේ වැදගත් ජීවිතයි වැදගත්.. කියා කීමට කෙනෙක් නොමැත.ජීවිත ග්‍රහචර්යට වෙනස් කල නොහැක උත්සාහයෙන් වෙනස්කල හැක.
වෛරය ,පලිගැනීම ,කුහකකම මුල් වන අපරාධ සුලබය අතීතයේ කවියන් වර්ණනා කරපු ප්‍රේමය ද සෘගරය ද නොමැත.වනචරකමේ පිළිලය එය විනාස කරමින් පවතී ග්‍රාමීය සමාජයේ එදත් අදත් තිබෙන්නේ තේරුම් කිරීම වෙනුවට තේරුම් ගත්තවුන් නොතේරුම් සහගතවුන්ගෙන් ප්‍රයෝජන ගැනීමය.
එය නීත්‍යනුකුල ශිෂ්ට සමාජයේ දී "ළමා අපචාර ලෙස අර්ථ දක්වයි.අපරට අපරාද කරන්නෝ ළමයි නොව වැඩිහිටියෝය.ආදර්ශය අවවාදයට වැඩ උතුම්
කිවේ කට කසනවට නොවේය.
(පසුව ලියමි)
සමාජයට විශාල පරිවර්තනයක් අවශ්‍ය අත්‍යවශ්‍යය,ලැබිය යුතුය.ආගම් ,ජාති,කුල  භේද කිසිවක් නුතන පරම්පරාවේ නැත.වැඩිහියනි බෝ නොකරන්න
ඔබගේ කුහක සිතුවිලි.ඔබ ඔබේ ප්‍රශ්නයට පිළිතරු සොයන්න ඒ තමන්ගේ සිමාවේ සිට.ඊට එහා ගියත් තවකෙකුට හානි නොකරන්න.තවත් ප්‍රමාද නැත
අපම ගොඩ නැගෙමු..
(සැ .යු . කතෘ අයිතිය සුරකින්න )
කතෘ :- ප්‍රමෝද් රවිශාන් 

Friday, June 19, 2015


උපුල් ශාන්ත සන්නස්ගල'ගුරු හමුව 2015-06-01'

Posted by Upul Shantha Sannasgala on Monday, 8 June 2015

Sunday, May 10, 2015

අනීතිය ද අයුක්තිය ද - ඉහ වහ ගිය රටේ යා

-කොණ්ඩකටුවකින් සීගිරි කැටපත් පවුරේ නම් දෙකක් ලීයූ වරදට දෙවසරක සිර දඩුවමකට යටත් කළ සින්නතම්බි උදේනි වෙනුවෙන්

ළමිස්සියක් සීගිරියේ මිනි මැරුවේ නැතේ යා
අවවාදයක් දඩයක් දෙන සුළු වරදක් කළේ යා
නීතිය ඉදිරියේ යුක්තිය වල් වැදුණේ කෙසේ යා
අවනඩු - ‘ඇපැල්‘ කවි - වස් කවි අධිකරණෙට වැදේයා

දුඹුරු කොමඩු ඇට - දත් වල හිනායා
නොමැත - නොකඩවා ඇය දැන් අඬායා
කොමඩු තීරු - දිග ඇස් අග තෙමේයා
තෙමෙත - එ‘ඇස් අම්මෙකු වාවතා යා

නිල් කට්රොල් - පෑ නළලේ ‘කරුප්පු‘ තිත තබායා
‘සිවප්පු‘ තිත තබන නැකත තෙක් දසැඟිලි ගනීයා
‘කල්‍යානම්‘ නැකතට පෙර සීගිරියේ ගියෝ යා
කරපු වරද මේ තරමට දරුණු මොකද කියෝ යා

රැකවල්ලෑ මුර භටයින් හැම දෙන බේරුණෝයා
කරපු වරද පිළිගත්තට කෙල්ලට වැරදුණෝ යා
සීගිරි ලලනා කෙල්ලොත් හෝ හෝ ගා අඬා යා
හිරගත යුවතිය ඉරණම ඉකි බිඳ බිඳ කියෝ යා

කොටපු කොටපු නම් ඔක්කොම - කීයක් තියෙනවාදෝ
ලියපු ලියපු ගාණට අය - කූඩු වලට ගියා දෝ
සනුහරයක ම අච්චුවකට - කෙල්ලව අහු වුණා දෝ
හිරේ ගිහින් ආවෝතින් - කළ පව් ගෙවෙනවාදෝ

අනීතිය ද අයුක්තිය ද - ඉහ වහ ගිය රටේ යා
මහ‍නෙල් මල් - නටු කෙල්ලක - දඟ ගෙයකට අරෝ යා
මිටි තැනකින් - මහ වතුරක් දෙගොඩ තලා ගියේ යා
මේ ගැන පවුරේ ලියන්ඩ - ‘කොණ්ඩ කටුව‘ දියෝයා

* (කරුප්පු - කලු / සිවප්පු - රතු / කල්‍යානම් - සරණ මංගල්‍යය) 

Surekha Samarasena | සුරේඛා සමරසේන
බූන්දි, අඟහරුවාදා, මාර්තු 17, 2015 11:57:21

Wednesday, April 22, 2015

රෝස මල් ලස්සන වුනාට ලේ පාටයි.



හිරු නැගගෙන්න හොරා දෙක තුනකට පෙර හීනියට පෙර හීනියට වැටෙන පොද වැස්ස නැව්ම් බවක් වගේම ගුප්ත් බවක්ද රැගෙන එනවා.ලස්සන රතු රෝස මල් ලස්සන වුනාට ලේ පාටයි. ලේ පට රෝසමල් වලට පිණිවටිලා ඈතට ලේ ගුලි වගේ දිලිසෙනවා.
කහවත්ත කොටකෙතනට තුරු ඉස්මත්තෙන් යන්තමට හිරු එලිය වැටීගෙන ආවේ ගමක්ම මල ගෙයක් බවට පත් කරගෙනය.ෆේස්බුකියේ නිතර සැරිසරන බොහෝ දෙනෙක් දන්න බොහෝදෙනෙක් නොදන්නා පුද්ගලයෙක් ඔහුගේ ගිණුමේ "අම්මා ද වටින්නේ පෙම් වතියද වටින්නේ ?දමු බලන්න කොමෙන්ට් "කියා පළකර ඇත.සියලු දෙනාම මෙන් කොමෙන්ට් කර තිබුනේ "අම්මා" යනුවෙනි.උදේ 7 පමණ ප්‍රසිද්ද ගිරව් Fm නාලිකාවක "කහවත්ත කොටකෙතන ප්‍රදේශයේ 18 හැවිරිදි තම දෙවැනි දරුවා විසින් තම මව ඝාතනය කර ඇත."යනුවෙන් කියනු ලැබිය.සමාජය පිරිහිලා කියන්නේ නිකන්ද.අද තරුණ පරපුරට කිසි දෙමාපිය හැගීමක් නැත.බොහෝ උදවිය කියනු ඇසෙ.එය ඇත්ත ය.එහෙත් තරුණ පරපුර අපේ සංස්කෘතිය අත්හැර ඔවුන් නව සංස්කෘතිය පසුපස හබා යාම සාධාරණය.මෙය බොහෝ උගත් පණ්ඩිතයන්ට නොතේරේ.රටක් දියුණු වෙනවනම් භව්තිකව දියුණු වීම පමණක් මදිය,සමාජය තුල උසස් මානසික මට්ටමක් තිබිය යුතුය.ශ්‍රී ලංකික අප කැලෙන් එලියට ඇවිත් වනචාරී ගති තුරන් කර බොහෝකල් වුවත් තාමත් කුණු රසට අසාකරන්නන් බොහෝ ඇත.මල් තලා රොන් ගන්නේ මන්ද,මල නොතලා රොන් ගන්න බැරිද?.දබදෙණි යුගයේ ධර්මසේන හිමි කියූ බණ කතා උදේහවා පන්සල්වල කිවුවත් පිළිපදින කෙනෙක් නැත.විලාසිතාවට ආගම අදහන්නන් බොහෝ ඇත."ආදරේ උල්පත වූ අම්මා"කියා කිව්වේ වික්ටර් රත්නායකන්,"ප්‍රේමය නම් රාගයෙන් තොර සඳ එලිය සේ අචින්තයි" නන්දා මලනියන්.මේවා ඇත්ත ද කියලා හිතාගන්න බැරිව හිත හිත ඉන්නකොට ඉහත සිද්ධියෙන් දින තුනකට පසුව ඉරිදා ප්‍රසිද්ද පුවත් පතක ප්‍රධාන කොටසේ කළුපාට ලොකු අකුරින් "කොටකෙතන චන්ද්‍රනිගේ පුත්‍රයා පොලිසියට කියයි."යනිවෙන් තිබෙනවා.මම එය කියවන්න අතට ගන්නවා.ඒ අසවකින් නොව දරුණු මුර්ගයගේ කතාව දන ගැනීමේ කුතුහලෙනි.ඒ ලිපියේ රතුපාට පොඩි අකුරෙන් "මම යාළුවෙලා ඉන්න කෙල්ල මගේ බර්ත්ඩේ එකට ලස්සන රතු රෝස මලක් දුන්නා.ඒ රෝස මල කෘතිමව හදාපු එකක්.එක විදුරු පෙට්ටියක දාලා තිබුණේ.මගේ ගර්ල් ෆෙන්ඩ්ට එයාගේ බර්ත්ඩේ එකට මුකුත් තෑග්ගක් දෙන්න මට බැරිව ගියා. ඒ හින්ද අලුත් අවුරුද්දට වටින තෑග්ගක් දෙන්න ඕනෑ කියා ම කල්පනා කළා.එදා වටිනා තෑග්ගක් ගන්න මට සල්ලි නැහැ.මම අම්මාගෙන්  රු 1500ක් ඉල්ලුවා.අම්මා දුන්නේ නැහැ.සල්ලි දුන්නේ නැතිනිසා අම්මා එක්ක මගේ හිතේ ලොකු තරහක් තිබුනා.එක හන්දා මම සල්ලි ඉල්ලලා රණ්ඩු කළා.මගේ ළඟ තිබුණු පිහියෙන් අම්මට ගැහුවා.අම්මාගේ වම් අතේ බල නහරේ කැපුනා .අම්මා එතනම ඇදගෙන වැටුනා " යනුවෙන් තවත් බොහෝදේ ඔහු ගේ පපොච්ච්රණයේ සදහන්  විය.
ආදරේ උල්පතවූ අම්මා පිහියෙන් ගසා මරා දමන්න තරම්න් ප්‍රේමයෙන් උමතු වුවෙකු අසා ද දැකද  නැතෙමි.ආදරේ ඉගැන්නුවේ අම්මා කියලා ඉස්සර පඩිවරු කියල තියෙනවා. තිස්තුන් කෝටියක් දෙවිවරු සිටියත් ඔවුන් මිනිසුන්ගේ පිං ලැබුවත් දෙකෝටියක් පමණ අප රටේ එක් පුද්ගලයෙකකුට දෙවිවරු හතක්වත් සිටිය යතුය.එහෙත් එක දෙවිකෙනෙක්වත් ඇහැක් ඇර බැලුවේ නැතේ ඇයි මට හිතෙනවා.මං හිතන්නේ දෙවිවරු කියල ජාතියක් නැතිව ඇති.නැත්තම් දෙවිවරුන්ට පිං මැදිවෙලා ඇති.මේ දෙකෙන් එකක් වෙලා තියෙනවා.ඉර එලිය හරස් අතට පායලා දැන් කෙලින් අතට උඩඉදන් පහලට වැටිලා කස්ටක පොළොව උඩට වෙ වෙරියෙන් වගේ වැටිලා තියෙනවා.බලන්න බැරි ඉර එලිය ඇස් දෙකට කදුළු ගෙනවා .ලෝකය පිළිබද සුන්දර හැගීම් සියල්ලක්ම දියවී යමින් පවතී.බලාපොරොත්තු බිදවැටීම තරම් තවත් නැත යන්න සිතන්න තවත් බොහෝ ඇත.එහෙත් එක බලාපොරොත්තුවක් කඩවුවහොත් තවත් බලාපොරොත්තුවක් ඇති කරගත යුතුනොවේද යන්න මට හිතෙනවා.ඔහු දෙවියන් ඉදිරියේ කමා කරගන්න බැරි වරදක් සිදුකර අවසන්ය.ඔහුට නීතියෙන් දඩුවම් ලැබුණත් ඊටත් වඩා දරුණුම දඩුවම ස්වභා දහමෙන් දී අවසන්ය.ඒ ඔහු මැරෙන තුරා සිතින් විදවීමයි.මෙය රෝමියෝ ජුලියට් පෙම් පුවත නොව,සාලිය අශෝක මාලා පෙම් පුවත ද නොව ,මෙය කොටකෙතන ප්‍රෙදේශයේ වනචාරී ප්‍රේමයකි.


මුළු ලෝකයම තම පෙම්වතියි,මුළු ලෝකයම තම පෙම්වතයි සිතු පුද්ගලයන් ප්‍රේම සත්වයන් මෙන් සැරිසරති.එහෙත් ඇසින් දුටුවත් කනින් ඇසුවත් අදහාගත නොහැකිය. එරබදු මල්වල ලේ තැවරිලා වගේ රතුපටට පිපිලා තියෙනවා.කොහා කෑ ගහන්නේ නැත්තේ මේ අවුරුද්ද එපවෙලද දන්නේ නැ.සදාකල් හිතේ තෙරෙපෙන වේදනාව දුක බෝම්බයක් ගහලා විනාශ කරන්න ඇත්නම් කියා ඔහුට හිතෙනවා ඇති.අවසන්වරට කියන්න තියන්නේ "ප්‍රේමය ලොව හැම තැනම ඇතී,හැම දෙනාටම හමුවෙලා ඇති,එනමුදු ප්‍රේමය කිමැයි කියා ,හදුනාගත් කිසිකෙනෙකු නැති,"යනුවෙනි.මෙහෙම කිවුවේ චන්දන ලියනාරච්චි ගායකයත් ගී පද රචකයත් ප්‍රේමය එක එක විදියට විග්‍රහා කළා.තමන් තමන්ට ගැලපෙන පරිදි විග්‍රහා කරගන්න කියලා මං යෝජනා කරනවා.

Saturday, April 4, 2015

තිබහට බොන්නේ මොනවද කියලා

මෙන්න බලන්න යාළුවනේ ඔයාලා අපි බස් එකේ, කෝච්චියේ යනකොට හැදෙන තිබහට බොන්නේ මොනවද කියලා. මොවුන් කරන්නේ හෝටල් වල රේස්‍ටුරන්ට් වල සුද්දෝ බීලා විසිකරන හිස් වතුර බෝතල් අරගෙන මේගොල්ලොම පාරේ ටැප් එකෙන් වතුර පුරවලා මුඩියට සීලුත් ගහලා අළුත් බෝතල් වගේ විකුණ එකයි. 

කොළඹ, කළුතර, මාතර වගේ ගොඩාක් ස්ථාන වල මේ ජාවාරම ජයටම කෙරෙනවා. P.H.I මහත්තුරුන්ට මෙවා ගැන හොයන්න වෙලාවක් නැතුව ඇති නේද. බොතල් කල පානීය ජල බොතලයක් (500 ml) Rs. 35 කට වෙළද සැල් වල විකුණන අතර මොවුන් අලෙවි කරනු ලබන්නේ Rs. 50 වැනි මුදලකටයි.

එසේම පිරිසිදු කම ගැන නොසිතන මොවුන් බෝතල් ශීත කිරිම සදහා නියමිත ක්‍රම වේදයක් නොතිබීමට පුළුවන්. මාළු මුදලාලිලගේ හෝ මස් වෙළඳුන්ගේ ශීත කාමර වල පවා ජල බෝතල් ශීත කිරිමට යොදාගන්නව විය හැකියි.

මෙම පින්තූරනම් ඉන්දියාවේ ඒවා වගේ. නමුත් ශ්‍රී ලංකාවේ අගනගර වල බස් වල වෙළෙන්දන් ගැන දන්නා උදවිය ට මේ ගැන අළුතෙන් කීමට අවශ්‍ය නැහැ. එසේම කඩෙන් ගන්නා බෝතල් වතුර වල රසයත්, බස් වෙළෙන්දන්ගෙන් මිලට ගන්නා බෝතල් වතුර වල (අමි)රසයේත් වෙනස ඔබට හොඳට මතක ඇති.

වෙළඳාමක් කරගෙන කීයක් හරි සොයාගන්නා වෙළෙන්දන්ගේ බඩට ගහන්නට අපිට වුවමනා නෑ. නමුත් ඔබගේ බඩට මොනවා හරි වුණ විට ඔබ වෙනුවෙන් ඔය වෙළඳුන් කවුරුවත් පෙනී සිටින්නේත් නැහැ. එනිසා නගරබද ආහාර ගැන P.H.I මහත්වරු සැලකිළිමත් වෙනවා මෙන්ම, විශ්වාසවන්ත තැනකින් පමණක් ආහාර ගැනීම ඔබෙත් වගකීමක්.

ජලය හරහා බෝ වෙන හෙපටයිටීස් පාචනය කොළරාව වැනි රෝග බහුල මේ වැසි කාලයේ මේ පණිවිඩය ඔබ වෙත ගෙන ආවේ සහෘද ඔබව අපට ඉතාමත් වැදගත් නිසයි.

මූලාශ්‍රය: Harsha Gunasekara

Wednesday, April 1, 2015

බාදුරා පෙම් මලක සරදම්

නිහඩ පැතුමට සිත හිරවෙලා
ඈ  හා සිහිනේ මා තනිවෙලා
රහසේ දැවටෙනා පෙම් පහසේ ලංවෙලා
ඒ පහස නැළවෙනා පෙම් පහස අයෙ සිහිවුනා

බාදුරා පෙම් මලක සරදම්
දැවෙනවා සේ දුකක් මෙතරම්
බොදකර සිහින කදුළු මල්
සිත පාරලා සැගවී ගිය රහසේ

මිලාන පෙම් හීනගානේ ඔයා නැවතිලා
සාරා සඳට රෝස පෙති මැලවිලා
හඬන පෙම් හිතට කදුළු හුරුවෙලා
අපේ පෙම් කතා මතක ගොඩක් වෙලා 

Saturday, January 17, 2015

නෙතු පියාම නුබ ඉන්නේ හැමදාම

සෙනෙහස උල්පත තරම්
ළය සතපවලා
මල්වඩම් පෙරහැරේ
නුබ ගියේ අයි
කතා නොකරම

සුදුපාට වැටකෙයියා මල් රැන
ඉගිලෙන්න දගලන තරු රැන
නෙතු පියාම නුබ ඉන්නේ හැමදාම
මග බලයි ගොළු සුළග විදිමින්ම

නාගස් සෙවනේ           නිදියම
සීතලද මගේ පන         බිමතම
අරලිය මල් වැටිලා වල   උඩට
හරි ලස්සනයි බලන්න අද  රැට

Popular Posts

Blog Archive